關於合法嘅條件

BLOW WATER:: 只想吹下水
1

雖然我同男朋友平時都有用condom（以正確嘅方式），但係佢成日都好擔心，搞到自己好大壓力，我提出雙重避孕，不過佢又唔想我食藥 怕副作用，雖然而家嘅避孕藥已經好先進少咗好多副作用，佢都係覺得可免則免

就突然諗一個問題

如果終止懷孕，根據香港法例規定，終止懷孕必須符合以下兩個合法條件之一，並由兩位註冊醫生確認：

  1. 繼續懷孕會對孕婦嘅生命或身心健康造成嚴重風險（例如：未成年、受性侵懷孕、精神健康問題等）。
  2. 胎兒出生後極可能嚴重殘疾。

即係冇能力撫養（或者其他任何私人理由）都係屬於非法終止懷孕
咁其實要點樣證明對身心健康造成嚴重風險？
真係自己得把口講撫養帶嚟嘅壓力會造成精神健康問題？
所以就唔係好明呢個位，如果證明唔到，即係就代表冇得合法終止？

當然，希望所有人都乖乖地，唔打算生BB嘅話就做好避孕措施，唔好有僥倖嘅心態，但呢個應該同希望世界和平一樣難:face_holding_back_tears:
亦都touch wood希望呢啲措施唔好失效:rofl:
始終都係生命嚟，不過呢個唔係個post嘅重點，唔係要企喺道德高地話人

2

你好，其實你地如果使用安全套後，仍然好擔心，其實真係可以選擇採取雙重安全措施。 除安全套以外，另外一些安全措施亦唔止限於服食事前避孕藥，亦都有好多唔同種類嘅選擇，例如：避孕針/子宮環/子宮帽等等，如果你對於其不同嘅安全措施唔係太有認識，可以請教下你嘅家庭醫生，或者平時睇開婦科檢查嘅醫生，相信佢哋都可以提供一啲唔錯嘅選擇俾你。當了解咗不同嘅安全措施之後，可以再去慢慢選擇一種適合自己，而又唔會話擔心有副作用太多嘅一啲安全措施。
當然，你所講嘅終止懷孕嘅條件係完全正確。 至於你話點樣去證明對於孕婦係有精神上嘅影響。其實醫生係會評估嘅，醫生會有一個準則去評估係咪合適去進行終止懷孕嘅手術。 但現階段我覺得你唔需要太過擔心呢一方面，你可以好好考慮吓使用其他嘅雙重保險方法，睇吓會唔會有一個合適嘅選擇俾你哋。

3

醫生會考慮你既實際情況，作出適當的建議

如果你真係無能力 （包括錢同育兒能力）， 醫生都唔會留難你

重點係安全性行為， 有正確帶套， 固定性伴侶， 風險真係好低

4

佢咁擔心，叫佢做絕育囉