男朋友想做…但我未試過，我話一係用condom 但佢話如果要戴寧願唔做，佢話身邊有好幾個朋友用condom 覺得安全於是體內射，點知之後發現爛左定唔知有裂痕…就有左bb 了。佢話佢識控制，同ex 一齊兩年都係唔戴但冇事…究竟係點架？同埋咩情況先會有b ？除左體內射之外。安全套究竟信唔信得過………點解會穿？…
同埋呢…男友嗰度好大，如果佢戴套係咪都會容易磨擦爛？佢話如果我唔想就half in 喎，話half in 唔會中招
你好啊，如果能夠正確地使用condom，避孕嘅成功率係極高，而所有嘅步驟都係為左避免condom係性愛前同期間出現破損
以下為各個步驟：
- 係有信譽嘅地方買condom
- 檢查包裝日期
- 檢查包裝有冇破損
- 小心撕開包裝
- 用指腹將condom拎出嚟
- 分辨正反面
- 用指腹按實condom突出位置，擠出空氣
- 繼續按實，將condom底部放在龜頭頂
- 慢慢把condom「劣」到陰莖底部
- ENJOY!
- 男方射精後，用紙巾包著陰莖
- 小心把condom移離陰莖
- 用紙巾包好扔掉
懷孕嘅方式係精子同卵子結合後，成為受精卵，再附係子宮內壁內慢慢成長，所以用condom係為左避免精子進入子宮內同卵子結合。而只係採取體外射精嘅方法，其實都有懷孕風險，因為性愛過程中，射精前，陰莖已經會釋出一啲液體，依啲液體都會有能導致懷孕嘅精子量，所以既想享受性愛，又想避孕，採取有效避孕措施非常重要，condom只係其中一種。
市面上係有唔同size嘅condom，建議選購時先了解陰莖大小，關注愛滋病嘅組織「關懷愛滋」旗下嘅「有種部隊」設計左一把量度陰莖大小嘅呎，有助選擇合適嘅condom，可以睇下
最後，如果男友堅持進行唔安全嘅性行為，你都要堅決拒絕，多啲同男友講下你嘅擔心，佢應該要尊重你嘅意願先得㗎！
1個讚
謝謝你既耐性！你既答覆好詳細令我了解多左。感謝感謝！！
同埋想問下…half in 會破左處女膜嗎？處女膜嗰位置其實在哪裡…好驚佢會整痛我
如果half in即係入一半的意思, 就應該過左處女膜嘅位置了。
如果以手指黎計算, 處女膜大約係中指半隻至一隻指節的地方, 而那個位置通常係整段陰道最窄嘅。
不適感覺大部份人都會有, 所以要有足夠前戲令你夠濕潤, 盡量放鬆自己唔好緊張。