4號發生無套性行為，之後24小時內食咗事後丸
6號又再次發生無套性行為，再食多粒事後丸
10號又發生無套性行為，今次就冇再食事後丸，因為知道太高劑量，另外就係不嬲都身體反應好準確，每次差唔多嚟月經就會出暗瘡個人好攰，所以我理解為差唔多嚟月經
12號開始有極少經血，所以唔肯定係咪真係嚟月經
然後知道食事後丸太高劑量影響荷爾蒙，
所以12號開始第一次食之前28粒嘅避孕丸
知道食事前都有少少副作用
有少少嘔心嘅感覺，但係都好擔心會懷孕
另外就係上網睇話事前一定要喺月經第一日開始食，否則便會無效，但係我就係以為自己12號嚟嘅係月經，所以就開始食，所以想請問一下嚟緊呢一個周期避孕是否發揮功效？
食咁多事後丸對身體唔好，事前就幾時食都得但要食夠7日先有用
Hello，睇返你食事後丸嘅紀錄， 喺4號到6號期間， 分別進食咗兩次事後丸，本身事後丸有非常高劑量荷爾蒙，對月經週期有明顯影響，面12號經血好少，可能係事後丸引致嘅撤退性出血，唔一定係真正月經。
事前避孕藥建議喺月經第1日或第5日開始食，如果係21粒包裝，需要連續食哂成盒後停藥七日； 如果食28粒包裝嘅話，食完之後可以開盒新嘅，但無論月經邊日開始食都好，都需要食夠七日，藥量先會足夠令身體建立到藥效。
都想提醒返，一次月經週期最多可以食一次事後藥，如果想避免懷孕，建議可以用返事前避孕藥、安全套、避孕針或者係子宮環等等嘅安全措施，相對比事後丸會更加安全而且有效。事前避孕藥未食夠七日的話，建議都需要用返安全套作其中一種避孕工具。
想確認係咪懷孕，可以去註冊藥房購買驗孕棒，並依照說明書進行驗孕測試。受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。