之前已經有問過
9月19號 體外射精
嗰日之後做嘅時候期間都有唔帶套 但係冇射到入面 但做到一半有戴返套
正常10月10號就應該要嚟M 今日已經係第五日 都係未嚟M
我喺10月5號8號同9號check咗都係一條線
而家仲係好擔心
請問點樣預約去家計會抽血驗孕
我只得16歲
Up
Uppp
Hello 明白你一定好焦慮，雖然冇用安全套進行插入式性行為係有懷孕風險，不過如果你有喺性行為之後11日後，有跟從驗孕棒說明書指示正確驗孕，所得到嘅結果都應該係客觀準確嘅。
如果你係9月19號發生性行為，而你喺10月呢幾日都已經有驗過孕而得到陰性結果嘅話，咁其實都係冇懷孕嘅，唔使太擔心，亦都冇必要再額外去家計會驗孕都得。
至於月經會受好多因素影響，例如可能你太緊張，有情緒壓力，都可能會影響令佢遲到，或者可能飲食習慣、生活作息都會影響。
至於體外射精，的確唔係一個理想嘅避孕方法，所以都會建議下次喺進行性行為之前做返安全措施，例如喺性行為開始前就要戴安全套。
如果你都係想去家計會嘅話，都可以上家計會網站，搵返相應嘅青少年保健服務，可以網上預約，或者打電話預約。
希望幫到你。
今日已經係遲嚟兩個禮拜
琴日check咗都係一條線
好擔心
如果過咗咁耐check都仲係一條線嘅話，基本上都可以肯定沒有懷孕啦。至於月經都的確有時會好唔穩定遲嚟好多，係咩原因都好難確定，都會建議繼續留意住身體呀。