兩個星期前幫過男朋友打飛機，打完之後手上佈滿佢嘅精液所以我去咗洗手，佢就搵紙巾抹手同精液。後來佢亦都有幫我指交，我唔肯定佢手有冇揩到精液，想問下如果佢真係揩到再放入陰道我會否有懷孕風險？同埋我當日夜晚發現底褲有少少血跡，當時以為嚟m（因為都差唔多時間），所以冇咩點理，但後來發現剩係得嗰啲血跡，冇嚟M。自己平時都有自慰嘅習慣，但甚少放手指入去，想問吓血跡關唔關男朋友幫我指交時定可能會有其他原因？上個月係月頭嚟m，今個月到而家都未嚟，真係有啲擔心同焦慮，麻煩解答下我唔該晒你地
補充！九月中因為病有食中藥，到十月頭停咗，唔知有冇影響？
Hello 呢個情況風險唔算高，因為精子接觸到空氣之後好快就會死亡。
如果只係精液接觸到手，而又已經抹過手，亦都唔係即刻再放入陰道指交嘅話，相信懷孕機會都好低。不過當然喺衛生上，都會建議好好清潔左雙手之後先將手指放入陰道會比較好。
至於血跡就咁都好難判斷到係咩原因，不過有機會係指交時候唔小心整親陰道，令到陰道輕微出血都有可能。正常情況應該好快會好返，大致三至五日，一個星期左右應該就冇事。當然你都可以留意吓身體有冇咩其他唔舒服，或者仲有冇更多血跡，或者其他怪異分泌物，如果有嘅話就要盡快睇醫生。
至於月經都會有好多原因影響，令到月經早到或者遲到，例如情緒壓力、生活作息、飲食習慣等等都會影響到，包括你提到你有唔舒服可能會影響咗，或者你食嘅中藥都可能會影響到，或者擔心焦慮等等嘅情緒壓力都可能影響到，因為實在太多因素會影響，所以都唔能夠單從月經判斷有冇懷孕。
如果真係擔心唔放心嘅話，都可以喺性行為之後11日買驗孕棒自行驗孕，到時就可以憑着驗孕棒上嘅結果去判斷自己有冇懷孕。如果你係兩星期前發生性行為，基本上你而家隨時驗孕都已經會得到客觀準確結果。
希望幫到你。
好，唔該晒你
1個讚
重複睇咗你呢段嘢好多次
唔知點解都係好焦慮，等待m到嘅過程好痛苦
hello我2日前feel到有嚟M feel但而家都係未嚟
我平日捱開夜唔知關唔關事？我知道呢個情況懷孕風險應該都唔大，但就係好焦慮係咪都應該驗一驗
我諗你依家唔需要特別太焦慮，如果你已經有月經前期嘅不適，就應該係準備嚟月經。 但係如果真係好大心理負擔或擔憂，都建議你可以先自行驗孕，用結果去釐清楚有無懷孕嘅風險先。
唔該你啊
今日check咗一條線，係咪可以唔使擔心啦
係呀～驗孕嘅時間同最後一次性行為相差11日以上，就可以判斷為準備嘅結果。
Thxxxx