如果男方患有HPV6 幫佢口交嘅感染機率有幾多？
最後一次接觸後幾時可以做HPV檢測？
糖不甩你哋好補充少少 口交嘅時候冇射到入去 只係口交咗幾下
仲有想問埋如果佢幫我舐下面 有傳染風險嗎？
Hello你好呀～一般嚟講，性病會透過高風險體液（例如血液、尿道脙腺液、陰道分泌物等）或者有破損嘅黏膜組織（例如口腔、龜頭、陰道內壁等）而傳播。喺口交嘅過程當中都會有黏膜組織接觸到分泌物嘅情況，未必可以判斷當時有冇破損嘅黏膜組織，或者體液嘅直接接觸，好難一概而論感染嘅機率有幾多。
HPV病毒嘅空窗期係7-14日，意思即係14日後就會有足夠嘅病毒量去檢測，最快可以係兩星期後檢測到。而普遍性病嘅空窗期為3個月，可以喺3個月後檢測，有較詳細同準確嘅結果。
Thxxxx
仲有一個問題 HPV6係咪會視乎性接觸模式去傳播
如果男方只有包皮有椰菜花 而女仔冇同佢做過 淨係幫佢含過 咁女仔係咪就淨係口腔有機會受到感染？
同埋去做hpv檢測嘅時候 應該點樣做？係喺口腔入面採樣本檢驗定係驗血？
冇錯，HPV嘅傳播係好事乎係邊一種嘅性接觸。如果好似你所講，男仔嘅陰莖有椰菜花，如果冇陰道接觸而係口交，就有機會透過口腔黏膜感染到病毒。
至於檢測方面，最理想嘅方式係驗血，因為如果受感染後，身體係會有病毒存在。透過血液檢測就就清楚同埋會知道感染左邊一種嘅病毒。