最近學業壓力大，讀書生活非常忙
有時太攰就瞓覺冇心情打飛機。
想打飛機既時候就照舊睇A片，
但係輕輕摸一摸陰莖就射左精，唔知係唔係早洩。
自己嘗試到高潮之前停一停再摸，
過左一段時間就用紙巾包住龜頭射，
但係高潮嗰下冇以前咁爽，個樂趣消失左。
即使隔左一個禮拜有多先打飛機都唔爽，
精液係有咁上下份量，就係冇左高潮爽感。
係早洩？性功能出現問題？
生活學業壓力大？
依然有日常運動舒壓既習慣
想搵返打飛機既樂趣 有冇打飛機前戲
有冇方法改變
同埋：
今年已經17歲，下年就18歲。
陰莖勃起既時候最長只係12cm，
而且係向下彎曲唔係垂直。
有啲自卑冇15/16cm長度…12夠長夠正常？
自己陰部比較多毛，應唔應該剃毛
A片有刺激情慾的作用。若你有早洩的情況，嘗試下次打飛機時唔睇A片，直接捽磨龜頭。不到一分鐘便射精實屬早洩，通常男生手淫十分鐘左右才射精。
你多唔多情況一分鐘內便射精呢？
打飛機冇咗爽感，可嘗試轉換不同的手淫方法。例如試下用飛機杯，用反手捽磨龜頭，用另一隻唔習慣用的手捽磨龜頭…
你現在才17歲，遇到早洩的情況也是很正常的事，不用太過介懷。嘗試通過訓練降低龜頭的敏感度以達致延長射精的時間。早洩有很多原因造成，有外在因素包括手淫的次數、手淫的方法，和內在因素包括心理因素和賀爾蒙的分泌水平。
你是用什麼方法打飛機？一週打多少次？
量度陰莖的正確方法是當陰莖在勃起狀態時，由陰莖的恥骨根部量到龜頭。你會唔會量度方法有錯？
輕微下彎的情況尚算正常，若彎曲幅度太大，便要尋求醫生的幫助。
恥毛的多寡因人而異，恥毛有阻隔下腹汗水流向陰部的作用。除非因為你個人的原因，否則不用剃掉。我啲陰毛都好濃密，且生到上去連陰莖根部都有毛，但我冇打算剃。我有朋友會定期修剪以避免它亂生，我就覺得沒必要。
Halo 聽到你讀書生活都可能比較忙同辛苦
我諗呢排嘅生活都唔容易而我就咁聽 呢個都可能係其中一個原因令到你近期嘅性習慣同表現有轉變。
如果你所講嘅情況（輕輕摸一摸就即刻會射精）係呢排先出現嘅，我諗都唔洗太擔心同令自己更大壓力，因為好多時我地嘅性表現，可能會被情緒同心情帶動到而有所影響。而特別你呢排再要擔心埋自己嘅表現唔好、太快射、無感覺等等，可能仲會更加大壓力。
所以，無論係有關於太快射同無感覺呢兩個問題，我都建議你呢排可以先停一停自慰，唔好勉強自己要即刻「好返」，比個時間自己抖抖先～咁當然如果你好有性需要，自然都可以照自慰，唔需要刻意去練習亦唔需要刻意去戒咗自慰，可以隨心少少。
而如果你問到再下次自慰有咩可以做嘅話，我建議你搵一個舒服嘅時間同空間去慢慢做呢件事，避免將呢件事要形式化同好似做task咁🫶🏻同時我諗試下唔睇A片咁自慰都係一個試下啲方法，又或者用下唔同啲手勢等，目的都係令自己有啲新鮮感。簡而言之，盡力要令自己係一個舒適嘅環境同為下次嘅自慰加啲新鮮感同新嘅元素試下。
另外，關於器官外表方面，其實長度都唔係重點
無話「正唔正常」，亦都同性能力無直接掛勾
唔洗太擔心。正如每個人嘅樣貌同唔同身體器官嘅外表都唔同，性器官都係因人而異同各有不同嘅。所以有啲人嘅性器官偏左或右、亦有啲人會向上或者向下彎，呢啲都係存在的～同樣有關陰毛方面，呢個都係個人嘅選擇
如果你覺得佢太長，會唔方便或者唔好睇，咁都不仿幫自己修下毛。而修毛都唔一定要全剃嘅，亦可以考慮輕輕剪短啲易啲搞之餘亦唔會因為生毛嘅唔舒服而被困擾