前排(26/9)同男朋友做過三次
平時我係七日經期，30日週期，上次黎係15/9
三次都係全程載套，一次係戴套外射，另一次係載套內射，之後都有灌水落去，係無漏水，而套係冇調轉同埋差唔多載到落底，戴之前有禁住頂部，折返啲空氣出嚟
啱啱今日第一日黎 M, 但係啲血係粉紅色. 咁其實有冇機會係著床出血？
Hello, 你做得超好！全程用安全套、正確戴法(捏頂排氣、載到底、無調轉)、內射後即時灌水檢查有無穿窿，呢啲大大降低懷孕風險，所以懷孕風險好低。
26/9做愛距今19日，著床出血應喺10/5-10/9出現；今日15/10大機會係月經。月經第一日粉紅常見，之後會變紅。
著床出血量更少，通常只會有幾滴或者最多一塊護墊可以承載到嘅血量，而且係一次性，唔會持續地出血幾日，血嘅顏色亦會同月經嘅唔一樣。
你可以記錄未來幾日血量/顏色，如果正常就100%安心。如果都係好焦慮，宜家就可以用驗孕棒驗孕，直接得知結果。