首先我係02/10黎m，08/10左右完經。之後09/10發生左性行為，對方無帶套，但都無射系入面，不過因爲驚有咩事，所以10/10朝早就睇咗西醫食咗事後丸。跟住16/10就見血，好似平時黎m咁頭三日多血，去到第四至八日（19/10-23/10都無乜），最尾嗰兩日甚至係得幾滴啡色。咁之後27/10又發生左性行為，但全程有套
不過見今日29/10又有少少啡色分泌物，咁樣安全嗎，需唔需要都做個懷孕測試？
另外仲想問咁樣嘅情況下一次嚟m會係跟02/10個次定16/10個次？
求解答
Hello~如果27/10發生性行為時全程有完美使用安全套，意外懷孕嘅風險非常低
唔需要太擔心~啡色分泌物係俗稱「流啡」，意思係血液氧化後由紅色變成啡色再排出~有可能係排卵期出血或者性行為時有輕微磨損造成出血，因而造成流啡現象如果之後想買個安心，可以喺性行為後第七日進行驗孕，獲得初步結果；喺第11日進行檢測，獲得較準確嘅結果
下一次嚟M可以按16/10個次計算，只要月經周期維持喺23-35日都屬於正常範圍但緊急避孕藥都係高劑量荷爾蒙藥，所以最近嘅月經周期有可能無咁穩定，如果身體出現不適，建議諮詢醫生意見