我想問問關於排卵期嘅問題，其實排卵期係咪都好受身體嘅因素影響？因為對上幾個月月排卵期差唔多呢啲時間嘅時候都會有好多白帶，但係發覺呢幾日都未有，但係個app就話我呢幾日會係排卵期，我上兩個禮拜開始每個禮拜都有出去Social，都會飲吓酒嗰啲咁樣會唔會影響排卵期？
同埋就係呢兩日都feel到有少少分泌物啦，但係個感覺就冇之前咁多，跟住頭先都有少少咁多啡色嘅分泌物(會唔會係因為我呢排成日擔心緊一樣嘢所以就搞到身體有少少啡色分泌?)
同埋唔知點解我嘅性慾冇以前咁強烈，唔知關唔關因為我同男朋友分咗手，跟住就影響咗我對同男仔拍拖嘅幻想同埋憧憬
今日又發覺好似係嚟M嗰啲血，但係正常我呢幾日應該係排卵期
Hello 請問有冇人
Hello~正如你所講，排卵期同月經都會受好多唔同因素影響，例如壓力、作息轉變、服藥等因素都會造成體內荷爾蒙水平轉變
欣賞你會用app記錄月經周期同排卵嘅大概日子，咁就可以留意到身體變化。不過正正因為排卵期會受唔同因素影響，所以個記錄或分泌物份量都係作為參考作用，而非準確預測排卵日子如果想準確知道身體幾時排卵，可以使用排卵棒/試紙
而啡色分泌物係「流啡」，意思係血液氧化後由紅色變成啡色再排出~呢次有機會係排卵期出血，都屬於正常情況，唔需要太擔心
至於性慾冇以前咁強烈，又難以斷言同男朋友分手呢件事有直接關係，不過從心理角度理解嚟講都有可能因為未走出分手，未有mood發生性接觸住，又有可能因為排卵期後性慾逐漸轉弱 (但實際情況都係因人而異)我認為可以思考性慾對自己代表啲咩，或者性慾減少有無對生活造成影響同心理壓力