哩一兩年一直有食開優悅28哩款避孕藥無停過、一直經期都好穩定27-28日一個週期就黎、藥亦無中斷過
上次黎M係9月28號、10月2號前一包藥食曬、去左幾間萬寧都買唔到、到10月4號先買到、咁就諗住停左兩晚就跟住說明書講、4號定時定候食左兩粒、5號又定時定候食左兩粒、諗住補翻無食果兩日說明書都有講話今個月可能唔會黎M、到8號定9號有一次性行為無帶套
正常睇翻個週期係10月25號開始黎月經的、但係無黎到不過都因為說明書有寫就無太在意、去到28號開始有少量咖啡色分泌物出黎係底褲度、上網查過話屬於正常現象繼續觀察先、但係去到今日11月4號、都仲係keep住有咖啡色分泌物出黎、而且量感覺上變多左、亦開始有少少異味
依家好擔心會唔會係有左？或者係咪有咩婦科病？要唔要去睇醫生好？好焦慮
Hello, 理解你遇到月經週期變化感到焦慮。你按說明書補服，呢個做法係正確。
你上次經期9月28號，預期10月25號嚟，但因為延遲兩日買藥，補服後，經期無嚟，只係10月28號開始有咖啡色分泌物，持續到而家11月4號，量多咗仲有少少異味。呢個情況好可能係激素水平波動引起嘅不規則出血，尤其說明書都有提過補服後今個月可能唔會正常嚟經。雖然8或9號有無套性行為，但如果你補服及時，避孕效果通常仲有效（但唔係絕對，錯過劑量係會有懷孕風險）。咖啡色分泌物唔一定係懷孕跡象，有時係正常調整，但有異味就可能涉及細菌或感染，需要留意。
為咗安心，先買個驗孕棒測下，簡單易用，跟指示做就得。驗孕棒係透過檢測尿液中嘅hCG (人絨毛膜促性腺激素)含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。
如果驗孕結果係陰性，但分泌物持續超過一週、量多或異味加劇，建議去睇婦科醫生檢查下，排除任何婦科問題，比如感染或激素失調。宜家可以使嘅保持陰部清潔，用清水沖洗，避免用香皂或化學品；多飲水，吃均衡飲食，休息夠，減壓，身體會慢慢調節返嚟。唔好太擔心，大多數情況都係小事，積極面對，你一定ok！如果有更新，再嚟分享呀，加油！
感謝你的回覆
今日下定決心check左一次、係陰性、成個人安落曬、睇多幾日等放假如果仲係有咖啡色分泌物無改善就去婦科診所睇下、多謝你既支持同建議
多謝你的支持同理解好幫到我
依家小便用紙巾果下有少少血跡、仲係會有咖啡色分泌物、有輕微異味、原本係10月25要黎M的、定係排卵期出血了請問係咩情況？係咪要盡快睇醫生了？
你流啡情況持續,仲有異味, 都建議你應該要去睇醫生,因為有機會有其他健康問題。