之前大概食咗三年事前避孕藥，食到上個月就諗住停食。上個月10/10第一日m come。中間有帶返condom做，但係今個月未嚟，但係有feel到有經期前症狀下腹隱隱痛。未食藥之前經期都係準時，我都明啱啱開始停藥，身體未必會咁快回復到。
有冇話延遲幾耐要去睇睇醫生。
小擔心
Hello你好啊～停食事前避孕藥後係需要時間令身體慢慢適應，女生月經週期一般會係28-35日，睇返時間，應該差唔多時間嚟，而且都有經前反應，唔需要太過擔心，有時候壓力、擔憂都會影響月經。一般嚟講，大約3-6個月身體就會完全適應停藥後嘅荷爾蒙水平，所以可以放鬆心情，觀察吓先。
如果2/11做過，今日驗完negative係咪都準確？會唔會未check到？
Hello 睇返日子，如果11月2號發生過性行為，然後你喺11月14號有正確地驗過孕嘅話，又驗到陰性嘅話，都已經準確㗎啦，唔需要特別再check，因為基本上性行為後11日驗孕都會得到結果。
當然如果你係唔放心嘅話，過多幾日再check可以令你放心啲，都冇問題嘅。 