我見到有人話性行為之前射精一次，可以令自己之後冇咁敏感
男朋友琴日都試過呢個做法，但係又好似唔覺有變得持久咗
會唔會係因為射精同性行為之間嘅時間隔得太耐？
定其實呢個並唔係一個正確嘅講法？
Thank you
Hello 首先每個人身體都唔同，效果係點都因人而異嘅。
至於性行為前先射精一次，之後冇咁敏感的確係有可能，因為射精之後會進入不應期，即係俗稱聖人模式，陰莖可能會變得冇咁敏感，對性刺激嘅反應冇咁強烈，亦都可能會變得疲倦，但係呢種不應期嘅反應同長短每個人都唔同，所以係咪射精同性行為之間時間隔得太耐都好難答到你。另外，有時每次射精同下次勃起之間時間隔得太短，都可能會令到陰莖因為太疲倦而覺得唔舒服，但隔得太長又可能會再次變得好敏感。
而且陰莖敏感度亦都視乎好多唔同因素，包括性行為嘅間隔，例如一個人可能好長日子冇發生任何性行為，敏感度都可能會上升；而如果經常發生性行為，敏感度亦可能會下降。另外心理因素、性行為質量等等都可能會影響到。
如果想性行為持久一啲，可以嘗試吓凱格爾運動，例如每日收緊放鬆骨盆底肌，都可以有助訓練勃起功能同埋持久力。
希望幫到你 