我月經本身都唔定時嘅 0820,0912,1007呢三次都係最近嚟M嘅第一日
5/11有同男朋友發生性行為 有帶安全套 我地兩個都係新手 呢三個月淨係性行為左呢一次 仲要過程中雙方都唔太舒服 所以基本上係帶住安全套 未射已經停止左, 嗰日下面去廁所尿尿有啲痛 第二日起身又冇事了
去到琴日 塊面開始有粒粒 又好似唔係暗瘡 下面仲要有啲粒粒 係痕癢同埋少少痛 唔知係咪因為就嚟嚟M呢 好擔心 今個月仲未嚟m
不是懷孕吧
補充 陰辱俯近 紅色粒粒
Hello 首先可以唔使太擔心係懷孕先，因為如果全程有用安全套，而且亦都冇射精，基本上懷孕風險都極之低。
至於唔舒服嘅情況就好複雜，有好多唔同原因。有機會會係一啲經前症狀，或者情緒壓力影響咗而出現，呢樣都可能會令到月經遲到。
另外都有可能係發生性行為嘅時候唔小心整親，出現咗傷口而自己都唔知，所以導致去廁所嘅時候會有啲唔舒服，然後有傷口而有細菌感染，所以有粒粒或者痕同埋痛。亦都可能係過敏而有影響，都可能出現呢個情況。
而家最重要係留意吓呢種痕癢同埋痛楚有冇持續出現，或者變得更加嚴重。如果有嘅話都會建議盡快睇醫生，諮詢返醫生建議，睇吓有冇需要食藥或者進行其他治療。
另外都可以留意吓有冇分泌物，特別係如果出現黃色/綠色分泌物、異味分泌物，或者質地奇怪或者唔好嘅分泌物，呢啲都係唔好嘅跡象，都要盡快睇醫生，同返醫生講。
至於新手發生性行為的確可能會出現唔同情況，例如發生性行為時唔識用力、太大力、受姿勢影響、當時未放鬆、潤滑不足，等等好多唔同原因，都會令到性行為唔舒服或者唔小心受傷。而且因為未發生過性行為，可能陰道肌肉非常緊，唔容易發生都係好正常。以上呢啲都係好常見嘅事，希望唔會影響到你哋心情。
希望幫到你 