同女朋友發生性行為期間因為女朋友轉姿勢，安全套甩咗出嚟，當然個套頂頂都仲係女朋友陰道入面，我擔心甩咗出嚟再戴影響效用就打算用嗰一個新套。
而係我戴新安全套個陣，第一下其實掉轉咗嚟戴，用龜頭頂到先知道。我即刻再調返轉帶返啱。當時因為燈光都唔算好光而睇唔清楚。
想知道咁樣風險大唔大，會唔會有前列腺液體，留咗喺安全套嘅外面。下次係咪應該再用過一個新套會好啲？謝謝。
Hello, 理解你嘅擔心，先讚你用安全套保護自己同伴侶，發現甩咗安全套立即更換新嘅安全套，呢個係正確有責任嘅行為~
你嘅情況，懷孕風險係有嘅不過較低。因為前列腺液可能含少量精子，如果留喺安全套外面再接觸陰道，有機會導致懷孕。如果發現戴反咗就要即刻換新套，避免風險。檢查安全套正反，可以留意安全套正面嘅時候安全套嘅膠圈應該向出，如果膠圈被套套包住嘅話就表示係反面。如果反面會感覺到戴上時唔流暢。
如果好擔心懷孕，可以係24-72小時內服緊急避孕藥（事後丸），越早越有效。或者係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。