早排食咗通經藥 11月9號撤退性出血 17號係月經最後一日但係發生咗冇套性行為
當日喺半個鐘內食咗事後丸 22號同23號check排卵 有兩條深色線
23號即係今日應該撤退性出血 經量同月經一樣 同埋有M痛
請問即使我今日仍然係即將排卵 但係精子係咪已經失去活力？仲會唔會懷孕？同埋而家係咪提早嚟m??
Hello~如果你喺不安全性行為後120小時內服用緊急避孕藥/事後藥，咁就有97-99%成功避孕率，唔需要太擔心
精子正常喺特定環境下可以存活2-3日，不過緊急避孕藥會透過人造荷爾蒙改變子宮內膜環境同埋改變子宮頸黏液嘅粘稠度，達致避孕功效，所以就算已經開始排卵，受精卵亦難以著床而家嘅撤退性出血可以當成一次嚟M，不過服用緊急避孕藥初期，體內荷爾蒙水平有啲浮動，所以可能出現經期不準，可以留意一下
今日第三日血量好似冇乜 正常嗎？
因為我見著床出血都係1-2日
Hello, 食事後丸後，好常見喺幾日內（通常3-7日）有出血，呢個係藥物激素突然跌落，引致子宮內膜輕微脫落。血量第一、二日正常，第三日少咗係好常見，因為撤退性出血通常輕微同短暫，第三日減量正常，唔使驚。事後丸仲可能令周期亂咗（提早或遲到1-2週），所以呢個出血好大機會係「提早嚟M」嘅信號。
著床出血通常喺排卵後10-14日（即性行為後約7-10日）發生，持續1-2日，好輕微（只係spotting，粉紅或棕色，冇痛或痛好輕），血量少過月經好多。 你出血量大、有M痛、持續第三日，唔似著床（著床出血第三日通常已停）。但如果血量突然多或有異味/痛加劇，建議睇醫生排除其他原因。
通經藥本身會令周期亂（撤退出血），加上事後丸，可能令M提早、遲或量變。壓力、飲食、運動都可能影響。
您好 我琴日分泌物透明 黏+少少水狀 而且有增多 今日分泌物就透明 啫喱狀 有彈性 黏性 下腹有時會痛 係咩回事？
Hello~ 就咁聽落似係排卵期嘅症狀~
喺排卵期嘅時候，分泌物會變得更水狀、分泌量更多，而有啲人排卵時係會感覺到排卵痛~ 只要分泌物冇特別顏色轉變、異味、豆腐渣質地，亦冇出現痕癢或不適嘅情況，都係正常嘅，唔需要太擔心
咁我今日分泌物白色 有少少似漿糊嘅狀態 都係正常的嗎？
今日係性行為後第14日 check咗一條線 係咪都可以放心了？
有時候身體微小嘅變化都令到我好焦慮…
Hello~分泌物帶有白色、似漿糊狀有可能係身體荷爾蒙水平有變化而導致嘅，只要冇異味、冇痕癢就冇問題。而喺性行為後嘅第11日，身體已經有足夠嘅荷爾蒙水平去檢測懷孕，去獲得可靠嘅結果，而你嘅結果係陰性，絕對可以放心啊。