你好～
我上星期一（17/11）同男朋友發生性行為，咁成個過程係有戴安全套，而我對上一次period係21/10-25-10，我無食避孕藥一個月，但我到依家都未黎經期，我前日自行驗孕係無懷孕，但我到依家仲未黎period，所以我好擔心。
呢個情況機會率會唔會都好高？
Halo
就咁聽你呢個情況都唔洗太擔心呀，你懷孕嘅風險相對都係比較低～
首先，好欣賞你地係性行為期間有用到安全措施，而其實如果確認係成個過程中都有正確使用安全套嘅話，其實意外懷孕嘅風險都已經好低。而你事後（至少7日後）做過驗孕測試，並且係陰性反應，基本上已經證明你並無意外懷孕，所以都唔使太擔心。不過，如果你都仲係好擔心嘅話，建議可以考慮用唔同牌子嘅驗孕棒再做多一次驗孕測試🫶🏻以求安心。
另外我想了解下，你係咪一直都有服用事前避孕藥，直到今個月先停用？因為其實啱啱停服事前藥嘅時間，經期可能都會受到影響，所以都唔使太擔心，可能只係遲咗少少
所以可以再留意吓嚟緊呢幾日先，唔使太擔心。
多謝你回覆
我之前一直有食，咁真係自己好擔心影響身體而其實我同男朋友唔係經常會有性行為，所以我就決定停咗。
但十月頭嗰陣時我地去一個長Trip，雖然都會用安全套，但我自己都驚，所以我八月同九月都有食。食完喺十月中有黎過一次period，跟住我就冇再食。