細個老豆已經大病，老母又係典型女強人，冇乜content 。對清潔身體只係去到普通嘅「過水」…小六學童身體檢查有check j，無勃起嘅時候可以正常推落去一半然後就卡住。年少無知都唔知佢想搞咩啦（回想之後有生理反應有少少痛），中學就因為一啲理所當然嘅原因（2019-2022）冇再繼續學童檢查。近幾年都操dse最多去到打下飛機,冇性經驗。直到最近行過一個公園，有個講普通話嘅男人以問路名義講咸濕嘢幫我打丁，先發覺我同佢唔同（諗返真係好變態，佢除住條褲幫我打丁）。咁小弟都係讀和尚學校，因為一啲原因對女仔一直有少少厭惡，咁呢次病態嘅經驗都搞到我有少少懷疑係咪gay(定只係冇人同我講性）（平時打飛機都冇話睇咩av）。但一個最大嘅問題係發個勃起嘅時候完全拉唔到落去（又唔係真係唔得嘅）又唔知係咪包皮嵌頓…膽粗粗買咗包莖環唔知用唔用好，又冇辦法開口問老母攞錢（始終突破唔到心理關口）。會有咩解決方法呢
Ps 最近沖涼有試推開，但好快又變返打飛機…
如果真係做手術好似最平八千幾…一時間負擔唔起…有冇咩相關資助計劃定係19歲都依然可以做學童身體檢查？
Hello 明白你一定好多疑惑，探索自己身體或者性傾向都係完全冇問題嘅事。
不過首先，關於包皮問題，都唔建議喺未諮詢任何醫生建議嘅情況下，就自己使用任何工具自己處理。因為有機會你嘅情況未必一定係包莖，亦都未必一定要做任何手術處理。
其實好多人都唔係一開始反包皮就可以一下反到，如果發覺自己冇辦法一次就反到，可以先嘗試沖涼嘅時候，喺非勃起狀態下，隨着水流或者沐浴露，逐啲逐啲慢慢向下推，一次或者一日唔得嘅話可以嘗試分開幾日，甚至以星期計。
當然，如果經過咗一段日子嘅嘗試都係唔得嘅話，就唔好強行繼續拉落去，因為有機會真係包皮過長或者過緊，如果強行嚟嘅話可能會令到自己受傷。
遇到咁嘅情況，都會建議首先睇醫生，再由醫生判斷係咪需要做手術，因為有機會醫生判斷下，可能會判斷你未必係包莖，或者有其他方式幫助你反包皮，未必需要做手術，可以提供其他嘅方式幫助你。
唔建議自己處理，係因為自己買返嚟嘅工具未必真係合適，或者未必衛生，而且自己亦都未必有足夠嘅知識同埋技術去處理，有可能會令到情況變得更加嚴重，可能會發炎，甚至受傷，或者造成永久性傷害，到時一樣都係要睇醫生，要付出嘅代價就更加高昂，咁就得不償失。
我哋都好遺憾聽到你過去曾經經歷過嘅事情，當中可能係牽涉到一啲不同意嘅性行為，已經係一種性暴力。如果你想搵人傾訴，或者想有人協助，無論係對自己性傾向嘅疑惑，定係對自己過去經歷嘅想法，都可以私下同我哋講，我哋都有WhatsApp、signal、同埋IG，可以私下發問。
Whatsapp、Signal: 6077 3941
IG: instagram.com/stickyricelove
希望幫到你