大概7日前去左一次日本嘅半套風俗店
與性工作者一齊冲涼，大家互相用沐浴露為對方搽身，之後對方為我用手處理，對方手沒有傷口，但冇見到有血留係我陰莖，我都有摸對方陰部幾下，我手都冇流緊血既傷口但腳踭部位有搔破皮的情況，隨後她也有為我口交與親吻
從風俗店離開後，腳步的傷口目前還沒有結痂，仍是破開及暗紅色，除此以外都沒有其他症狀，不清楚是否網上所述的硬下疳，在網上查到該工作者自那日後就暫時還沒有上班
請問以上情況感染愛滋或梅毒機會大嗎？
現在壓力很大 也沒法與其他人傾訴 不知道可以到哪裏求助
色迷心竅 現在十分後悔 以後都不會再嘗試， 警世
補充：並不見該工作者身上有任何梅毒或愛滋病的病徵
傳染性病嘅途徑主要係高風險體液嘅接觸（例如尿道脙腺液、精液、血液、陰道分泌物）或者係破損嘅黏膜組織（例如陰道、口腔、龜頭），聽你嘅描述，你嘅傷口來自於腳踭，相信都冇以上體液或者黏膜組織嘅直接接觸。一般嘅性病空窗期係14日，如果真係好擔心嘅話，最快可以喺兩星期後做檢查，去得到一個初步嘅結果，而3個月後可以獲得一個更加全面嘅結果。係呢段時間入面，建議避免發生任何性行為，以免令測試結果出現誤差
感謝你嘅回覆，確實令我冇咁緊張，現時對這件事十分後悔，每日都思考緊呢件事，同埋搵案例，精神壓力好大
我諗我都會決定喺14日後檢測一次，以求安心
請問有冇方法可以分辨到一啲常見嘅性病特徵，目前真係草木皆兵，尤其係腳上嘅傷口，唔敢肯定佢係皮膚破損還是梅毒引起的硬下疳
實在係之後都唔敢再到風月場所，後果實在太嚴重
更新一下：
啱啱見到之前的工作者又正常再上班
本來都並沒有明顯症狀她有感染性病
應該其受感染的機會再少一些
感覺安全不少
但風俗店 風俗孃 的風險依舊很大
警示大家不要以身試法
隨後都會去到作檢查 以後都不會再買春
潔身自愛
Hello~感染梅毒初期 (10-90日) 主要喺性器官附近出現唔痛唔痕嘅紅點，俗稱下疳；到感染後約6-8星期會進入第二期病徵，身體其他部位開始出現相同紅點。你可以留意一下身體有無出現類似嘅紅點或者喺空窗期過後（空窗期長度視乎測試方式，梅毒嘅空窗期overall 嚟講會係2-4星期）進行測試，就可以確定有冇感染
梅毒係可以完全根治的，所以唔使太擔心
關於性工作場所，其實只要做足安全措施，例如正確使用安全套、注射HPV疫苗，或服用PrEP和Doxy PEP都可以有效預防大部分性病㗎