我上次經期係11月8號，11月24同28號都有發生過性行為。
我而家月經未黎但係今朝用咗晨尿黎驗過得一條線。
咁係咪可以確定我係冇有到嘅？
Hello 你好啊～驗孕棒係透過身體入面嘅荷爾蒙(hCG)水平去進行檢測，喺性行為發生後7日就可以有初步結果，而11日後就有足夠水平去獲得準確嘅結果。28號都已經相距10-11日，結果相信係準確的。而一般月經周期係28-35日，依家未嚟月經都唔需要太擔心。
咁姐係就算我過咗35日都未黎 我都唔需要再驗多次？
Hello, 你嘅情況會有懷孕風險，不過你係性行為第10~11日驗孕結果陰性，代表無懷孕嘅，正確使用驗孕棒結果係準確嘅，唔使擔心。
如果仍然擔心，你可以再驗多一次，如果結果都係陰性確確實實無懷孕。月經延遲嘅原因有好多，例如壓力大、體重變化、生活唔規律、荷爾蒙失調等都會導致月經遲嚟。
想問下有冇話咩牌子嘅驗孕棒會比較準確？同埋我下次應該等到幾時再驗會好啲？
因為上次我係係HKTVmall求其買，我都唔知佢係咩牌子
同埋我上一次驗果陣雖然係晨尿，但係我前一晚好夜瞓，所以凌晨三點幾去咗個廁所，跟住用朝早七點幾去果轉廁所黎驗，咁樣會唔會影響到結果嘅準確程度？因為其實果轉小便其實都唔多
Hello, 唔好意思咁遲回覆你, 只要喺適當嘅日子(性行為後第7至11日，所以你今日都可以再驗孕)，同埋使用喺註冊藥房買到嘅驗孕棒，並且跟足說明書嘅指引，其實準確度會係非常高。至於係咪需要使用晨尿，其實只要喺性行為7日之後進行驗孕，即使唔係用晨尿都係可以驗出結果，而且隨着懷孕嘅日數增加，hCG含量會越高。
留意返會影響驗孕棒嘅結果情況，例如冇跟足說明書嘅指引，或驗孕棒沾太少/太多尿液，冇喺有限時間內讀取結果，驗孕棒過期等都會令驗孕棒失效。另外有機會係因為驗孕之前飲太多液體，導致hCG含量降低。
咁如果咁講，其實我8號果次驗孕結果都可信性好高？我其實唔洗再擔心洗唔洗再驗過等月經黎就得？
你都可以咁講～ 因為正如同事上面有提到，其實你
早幾日驗時，已經係一個合理嘅驗孕期（性行為後7-11日後），所以其實個次嘅驗孕都已經準確。只不過，有時部分嘅朋友仔可能因為驚做錯步驟、唔確定驗孕棒嘅質素、或者其他原因而都仲會好擔心。咁呢啲時候，都可以考慮用多另一個牌子去試下，以求個安心，但其實理論上，如果你上次係性行為後7-11日用驗孕，又用得正確嘅話，其實個次驗孕嘅結果已經好準確㗎啦～所以都唔洗太擔心的！
而且影響月經嘅因素都有好多，例如飲食習慣、作息時間、壓力等等
所以其實你太過擔心，反而都可能會影響到你今個月嘅period🫶🏻你不妨呢幾日都放鬆啲心情，再留意多幾日先，如果下個星期都仲未有月經先再考慮要唔要睇醫生～