如果冇任何性活動（自慰/性行為）
其實係咪都唔會對健康有咩影響？
係唔係男女都一樣？
因為我本身已經係有啲性冷感（未去到話會抗拒，但冇乜好大嘅興趣/慾望）
其實算唔算性冷感？
總之就性慾唔算強啦
呢排就真係完全得返工放工返工放工瞓覺
因為上網見到話長時間唔射精會有影響
係真嘅？定只係危言聳聽
其實我知道應該係要平衡嘅
太多又唔好，太少又唔好
但真係冇心情，亦都冇時間
Hello 每個人身體都唔同，有啲人性慾比較強，有啲人冇咩性慾，係非常普遍嘅事情，完全冇問題嘅，唔需要強迫自己一定要有任何嘅性活動。
的確可能會有唔同嘅研究講，適當嘅性行為或者適當射精可能會帶嚟好處，但即使唔做，都唔代表係會帶嚟壞處，更何況每個人嘅身體都唔同，研究結果亦都冇辦法可以套到落全部人身上。反而，如果自己本身冇性慾，唔想發生任何形式嘅性活動，但又強迫自己去自慰或者進行性行為或者射精，反而係更加唔好添。
所以如果自己真係唔想嘅話，都唔需要強迫自己呀。