你好，我是4/12開始服用yaz避孕藥，一般在每晚10:30左右服用，在12/12忘記服用，並在13/12凌晨3點補服，13/12當天的藥量在晚上11點左右正常服用，14/12早上有性行為，14/12漏服，並在15/12凌晨1點補服，這樣會對避孕效果有影響嗎?是否需要食事後避孕藥?
Hello 你好啊～事前避孕藥如果喺經期第1-5日開始服用，需要7日就可以有足夠嘅荷爾蒙水平去達致避孕效果，但如果係其他日子開始服用，就需要14日先有足夠水平。
另外，睇返你漏服嘅情況，你每次都有喺幾個小時內補食返，當身體建立咗足夠嘅荷爾蒙水平後，12-24小時內補食返就冇問題嘅，不過最好都係按時服用啊。
你好，4/12是我經期的第5日開始食的，我都明白要按時食，但喺有時候收夜，我忘記帶藥翻工食
，所以遲左少少，我一翻到屋企就即刻食了，如果之後可能會在發生性行為是否需要額外戴避孕套?
(p.s. 14/12發生不安全性行為，並當天漏服避孕藥，我在15/12凌晨1點補服，且那天早上去診所問醫生，建議我食緊急避孕藥，所以我也食了)
Hello, 如果之後可能有性行為，特別係如果你預計可能又遲食藥，強烈建議額外戴安全套。呢個唔單止減低懷孕風險，仲可以減低性病風險。正確用安全套：檢查到期日，從邊緣撕開，安全套膠圈在外係正面，將安全套頂端貯液囊嘅空氣擠出，套到陰莖根部。
另外，建議你設鬧鐘或放藥喺隨身包，確保按時食（理想係每日同一時間）。如果你擔心經常遲，考慮轉用其他方法例如子宮環或貼片，呢啲唔使每日記住，但需要先咨詢醫生意見。