gf今個月10號嚟咗m，而我地喺前日，即係21號有性接觸，冇戴套，不過冇入去，女朋友話痛我就掹返出嚟，冇入到去，淨係喺出面郁咗幾下，有嘗試過插入不過gf話痛推開咗，我地都唔識計排卵期安全期嗰啲，想知懷孕機率大唔大？
Halo，想問清楚少少，你所指嘅出面郁咗幾下係未指陰莖都有接觸到對方嘅陰部？
因為如果係無帶安全套嘅情況下，性器官之間有直接接觸，其實已經有一定嘅懷孕風險
因為陰莖喺勃起嘅情況下會有機會分泌出前列腺液，而當中係含有少量嘅精子，所以都會有懷孕嘅可能性。
不過因為家計會係公眾假期係休息
而你再等到過多兩日嘅話就已經過咗食避孕藥嘅最佳時間（性行為後72小時內或者120小時內），所以如果你真係比較擔心嘅話，可以考慮去私家診所；又或者，你都可以考慮喺性行為嘅7至11日後做快速驗孕測試，以求安心
另外，有關安全期嘅嘅問題，其實安全期並唔係一個有效嘅避孕方法
，當中會有好多預計錯誤或者唔準確嘅地方，所以唔建議作為避孕嘅工具。相反，如果從避孕角度出發，除咗安全套以外你都可以考慮事前避孕藥，相關藥物你都可以先去家計會度了解吓。不過如果要同時預防性病同埋懷孕嘅話，就只有安全套可以做到兩樣功效所以下次如果發生性行為都建議可以考慮使用避孕套，就會更加安全～
喺嘗試入去之前有抹乾
Up
Hello，正如同事所講，陰莖勃起嘅情況下有機會分泌出前列腺液，當中會含有少量精子，所以都會有懷孕嘅可能性，即使放入去前抹乾咗，喺你放入去嘅時候，前列腺液並唔會因為放入去之前抹乾咗而暫停分泌， 所以都會有懷孕風險，你可以考慮吓同事之前提到嘅建議，性行為後72小時內或者120小時內到私家診所求診食避孕藥；如果有需要驗孕嘅話，受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確。