呢年開始已經唔太準時，但係未試過3個月都冇黎
想問下建議睇中醫定西醫多啲，如西醫嘅話睇政府普通科有冇用？定係要睇私家？仲係學生見私家好似一般都幾貴下
利申：一定唔會係有bb
你好，知道你平時月經周期都唔係太準，但如果3個月都無月經，都需要搵醫生諮詢一下睇吓會唔會有其他因素，令到月經週期失衡。
如果你確認自己過去系冇進行過唔安全性行為，又或者已經自行驗孕後確認系冇懷孕，就可以排除因為有懷孕風險，而令到月經遲嚟。咁係好應該要去睇醫生，睇吓會唔會因為有其他嘅原因，令到今次嘅月經系3個月都未嚟。
其實都明白宜家睇醫生診金費用都唔平，但以你嘅情況其實可以先去一般家庭醫生，即係平時睇傷風感冒嘅醫生度，先俾醫生瞭解下你宜家嘅情況。如果呢一類型普通科嘅醫生，相信診金應該唔唔會太過昂貴。除此之外，亦都可以選擇去家計會嘅診所，佢哋有提供青少年保健服務，想知道詳情可以參考下以下嘅網址，家計會嘅收費都會相對比較經濟。
https://www.famplan.org.hk/zh/our-services/clinic-services/youth-health-care/content
希望可以幫到你。