有幾個問題想問下：
1.男性進行有套陰道交，全程戴套嘅情況下得性病大唔大，了解過會有機會感染皮膚類性病，但係想知風險大唔大
2.見到話hpv嘅空窗期係7-14天，就算過咗14天，其實冇明顯嘅症狀下做，會唔會檢測唔到
3.hsv無症狀嘅機會大唔大，同埋空窗期係幾耐，如果喺7日嘅時候有冇機會檢查到
4.如果有皮膚類性病，無明顯症狀，加上有戴套，其實係咪比較低風險傳染
5.有冇傷口係咪會影響傳染皮膚類性病
6.進行性行為會唔會因為進行時間而加大感染風險
Halo，一般嚟講如果有正確使用安全套下發生性行為，有性病嘅風險都較低；咁但當然如果係皮膚類嘅性病，都係會有一定程度嘅風險。但基本上嚟講如果係感染到皮膚類嘅性病，病徵都會比較明顯，例如係痕、腫、痛等等。但性病嘅傳染，並唔會因為病徵嘅明顯與否而影響傳染嘅程度。
其次，做性病測試大部分都係係檢驗抗原同抗體，所以只要過咗空窗期，即使冇病徵亦都能夠檢測到。
至於HSV方面，冇症狀嘅機會都係因人而異，都有部份人係會冇任何症狀。至於空窗期則視乎檢測機構所用嘅嗰種檢測紙，你可以檢測之前打去唔同機構問吓，但一般如果你去一啲NGO等等嘅免費檢測機構，佢哋會建議你兩個禮拜或者45日後再去做檢查。但如果你真係比較擔心嘅話，可以去一啲私營化驗所做檢查就會更加快。
最後，傷口的確係傳播性病嘅一種途徑，所以如果直接接觸到傷口嘅話，傳播性病嘅可能性都會比較大。但性行為嘅時間長短就並唔係影響傳播性病嘅因素。