我成日都遲食Yaz 避孕藥，成日遲食3-4個鐘。依家冇黎月經，但係月經應該黎既時候有黑色/咖啡色（類似血）既排泄物，黎左三日就停左。
依家我好擔心會唔會懷孕，我應該幾時驗孕會最準確。
Hello～服用避孕藥嘅話建議設定提示或鬧鐘提醒自己定時服藥
因為越穩定嘅用藥情況，越能提升避孕功效，亦能夠減少非經期出血～
啡黑色嘅分泌物，應該係經血氧化，所以紅色變啡色，如果經血同氧氣接觸耐咗先至被排出，係會變咗啡黑色，所以如果經血係啡至啡黑色都唔使太擔心！
有冇嚟月經方面，或者需要你補充多少少服藥/停藥情況，同埋觀察到嘅血/分泌物量～
至於驗孕方面，如果擔心懷孕，可以喺性行為後7日進行驗孕，獲得初步結果；喺性行為後第11日進行驗孕，可以獲得較準確嘅結果
多謝你回覆
我每一日都有食藥，但係冇準時食藥，例如會連續幾日遲食2-4 個鐘。呢個月都係1pm- 5pm 呢個時間內會吃藥。
而咖啡色血方面，係連續留左三日生咖啡色血，一日用一片M斤既量。我比較擔心係着床性出血，因為上網search 過有機會着床性出血就係 咁樣的。
我suppose 12月31日會黎月經，但係1月1日至1月3日流咖啡色血， 冇黎月經。
依家非常擔心懷孕。因為12月性行為同內射都比較頻繁。我上網睇到話連續相隔24小時先食藥會大程度降低避孕效果。
之後我一月五號驗孕一次係陰性，都準備會等幾日keep 住驗孕。依家係比較擔心我懷孕風險會唔會好大，應該去抽血驗嗎
Halo, 想問清楚少少，你對上一次嘅無套性行為係幾時？因為係12月29號前嘅，咁其實你1月5號個次嘅驗孕已經可以代表你已經無懷孕了。但如果你之後都仲有發生過無套性行為，咁就建議你可以喺嗰次性行為後嘅7至11日後，再做多一次驗孕，效果就會更加準確。
另外，你都無講錯
事前避孕藥真係要準時食先可以達到比較理想嘅效果，所以可能由今個月起你都可以好似上面同事所講，設定鬧鐘喺每日同一個時間，提自己食藥，咁會比較理想啲；而如果嗰期真係比較食得唔穩，都可以考慮吓用安全套
咁就唔使令到自己太擔心～
同時想補充多少少，其實懷孕都唔一定會會出現着床性出血，而如果真係有着床性出血嘅話，佢嘅血量通常只會有幾滴或者最多一塊護墊可以承載到，而且係一次性為主，並唔會持續地出血幾日，所以我諗你提到有3日嘅出血嘅話，都應該唔係着床性出血
明白曬 ，多謝你地回覆，因為我之前真係非常之擔心
我最後一次性行為係12月30日，今日驗孕一次同埋睇左醫生。醫生建議我再觀察埋下一個經期，同埋一個禮拜後再驗孕可以安心啲。
今個月開始我都非常緊張食藥既時間, 唔會再遲食藥
睇左醫生就ok，不過記得到準時食藥，如果宜家食藥既時間係唔方便，可以考慮轉個一個新既服藥時間，例如臨訓前，咁就可以更準時食藥。
1個讚