11月26上個月m come第一日，期間喺12月5日及12月24日與男朋友做愛，每次都有帶condom, 但可能帶得唔好，例如唔記得放走dom既空氣
今日1月5終於見到有啲血，但只係得1滴 2滴，而且比較淡色，好少咁少，唔知道呢堆一滴兩滴既血係屬於m血定係著床出血。我地買咗知clear blue ultra驗孕棒，AI話仲要等著床後第4至10天先可驗孕，你地可唔可以話我知我要幾時驗先係最準確？
Hello, 唔好意思，宜家先回覆你。
建議宜家先用驗孕棒驗孕，如果結果係陰性就可以確認無懷孕，就安心啦。
驗孕棒原理係透過檢測尿液中嘅hCG (人絨毛膜促性腺激素) 含量，呢款激素會係受精卵著床後開始大量分泌，而一般受精著床呢個過程需要6-9日，所以係性行為後7日使用驗孕棒的話會有初步嘅結果。而係11日後或者預計經期嘅日子驗孕結果會更加準確。只要喺適當嘅日子之後，同埋使用喺註冊藥房買到嘅驗孕棒，並且跟足說明書嘅指引，準確度係非常高。
你最後嘅性行為係12月24日，直至今天1月7日已過14天，驗孕結果會好準確。
你係1月5日有1-2滴淡色血，過左兩日今日1月7日，如果血量增加，可能係月經。
1個讚
但係1月6日都冇血 1月7日都冇血到
1月6日再用clearblue驗尿都係negative
咁點先知1月5日喺著床出血定係m come?
請問我仲有冇需要再驗孕？
Hello, 明白你嘅擔憂，你提到最近2次嘅性行為都有戴condom，不過其中一次無擠走condom儲精囊嘅空氣，係會增加破裂或洩漏風險。你係1月6日驗孕結果為陰性，代示無懷孕，唔使太擔心。
一般著床性出血嘅血量較少，顏色較淺，可能會少至只有一滴血，部分人可能血量會多少少。血量係護墊可以承載嘅血量 ，通常只會一日內一瞬間流完，並唔會似月經咁持續黎4-5日。著床性出血時亦唔會好似黎月經咁身體有劇烈感覺（例如肚痛、頭暈等）。
而陰道出血原因，除左「著床性出血」之外，都可能係因為子宮發炎、陰道發炎、性行為期間陰道受損等因素。
月經來遲嘅原因，包括最近病過有服藥（特別係抗生素）、壓力過大、情緒有起伏、生活作息有改變、飲食唔均衡等。最近生活有無出現過呢D嘅情況?
如果仍然好不安同擔心，建議再驗孕，可以使用唔同牌子嘅驗孕捧、電子驗孕捧或到診所抽血驗孕，如果結果都係陰性，就安心啦。