即係覺得舒服就嗌出嚟，呢個係自然嘅反應？
又或者用啲（我都唔知應該點形容嘅）眼神望住男朋友，呢個係愛嘅表現？
具體嘅例子包括
1 佢用陰莖不停磨我陰蒂嗰陣，我會求佢快啲放入嚟
2 用手幫佢嘅時候，用（誘惑？）嘅眼神+笑容/表情望住佢，會feel到佢好似真係有反應，變得更加硬，而且仲可以加啲叫聲，令佢更加快射
3 兩個人都放假嘅時候，我起身而佢未起身嘅話，我會刷完牙之後含醒佢
我唔知係咪我自己有包袱
好驚男朋友覺得我係蕩婦/好姣
Hello
你會有嘅擔憂都係好多人會有擔憂嚟嘅～唔需要太擔心
其實用身體、眼神、行為去表達對對方慾望都係正常嘅反應，亦都可以加強大家嘅親密感，當然如果係朝早喺對方瞓醒之前，佢唔知道嘅情況之下幫對方口交，就需要事前先獲得佢嘅共識（始終無啦啦俾人叫醒未必個個都鍾意嘅
）另一方面，會想了解多少少
你會驚另一半見到自己「蕩婦/好姣」嘅一面，會怕影響大家嘅關係？定抑或有其他原因？當然社會對女性有好多性主動=蕩婦嘅標籤，但並唔代表有問題，只要係適合、安全、舒適嘅情況下，表達性需求或者性慾望從來都唔係錯㗎