因為最近有人生第一個男朋友，亦開始有性行為，而我自己係一個比較謹慎嘅人，所以希望採用雙重避孕嘅方法（食事前+condom) 目前事前已經食左一個月。
另一半提出如果我有食開事前藥嘅話想無套內射，但我始終擔憂即使食左事前藥仍然會有懷孕風險，因為身體係自己嘅，要自己負返責任，所以未肯應𠄘。
我困擾嘅點係，到底一直keep住準時食事前係咪真係可以無套內射？仲洗唔洗分安全期同危險期？問左好多次AI 得唔得，AI 表示可以，但自己對於懷孕風險仍然好擔憂，希望有過來人話俾我知得唔得…
Hello~欣賞你會認真考慮同做好預防措施
我哋平日係推廣Safer sex，而唔係Safe sex，因為幾乎無100%安全嘅預防措施～所以如果你定時並完美服用避孕藥，可以有高達99.7%成功避孕率，如果你有正確服用避孕藥+正確使用安全套，就會再進一步提高避孕率
亦都唔需要再計安全期或危險期
回應返你嘅問題，只要完美使用事前避孕藥，就有足夠嘅避孕率，即使無套內射，意外懷孕率都好低但安全套除咗預防意外懷孕，亦都有助預防性病同非性病感染（例如念珠菌感染、細菌性陰道炎等等）所以你都可以再同伴侶傾傾，表達自己嘅擔憂，並且表示希望對方尊重你嘅選擇同意願