我上個禮拜開始用緊避孕貼… 但係見到之前有報道講有好大side effect…想知而家仲有冇人會用避孕貼 定都係食避孕藥or打避孕針多？
我之前打開一個月一次嘅避孕針但係因為而家時間唔定怕返唔到診所打針所以轉貼… 打針會好啲定貼都ok?
Halo
唔好意思，遲咗少少覆
我諗一般嚟講，香港應該都係打針同食避孕藥嘅人會比較多
因為相對嚟講避孕貼都冇咁容易買到同無咁多人識～
至於副作用方面，有部份人會話被人貼副作用大啲，可能係因為始終避孕貼唔需要每一日換，所以佢嘅劑量會比每日食嘅避孕藥會較濃；而同樣情況，亦都會有人認為俾人針嘅副作用較大，會令佢哋相對較唔舒服。但其實咁多種嘅避孕措施嘅副作用，都係因人而異，只要你喺使用嘅過程中冇特別嘅唔舒服或不適，其實都唔洗太擔心嘅～
其實，唔同嘅避孕方法都有佢嘅好壞處，所以就住自己情況嚟選擇合適自己嘅避孕措施會更加重要所以更加重要嘅係要睇返自己嘅實際情況～
我而家貼緊第二個星期（第二貼），聽日就要換貼… 但係我由換第二貼開始就好唔舒服，又想嘔又頭暈…
有冇咩方法可以減輕下依啲副作用？
Hello~如果副作用太嚴重太辛苦就可能需要換過另一款安全措施。正如同事所講，避孕貼有一星期嘅藥效，會比事前避孕藥等每日服用嘅劑量大，容易有嚴重嘅副作用。你可以諮詢吓家庭醫生嘅意見，睇吓需唔需要試吓其他～
1個讚
除咗副作用之外，都想問下有冇有bb嘅可能
上一次月經在2025年12月14日開始，為期6日。
2025年12月30日，一開始有戴安全套但後期除掉了插入陰道，男方沒有射精
2026年1月1日，沒有戴安全套插入且沒有射精
2026年1月4日，沒有戴安全套插入且沒有射精
2026年1月11日，沒有戴安全套插入，男方有射精但不是因抽插而射，我用手幫助他射的，射後有再插入
2026年1月13日，早上做了抹片檢查，開始貼避孕貼，沒有戴安全套插入，男方有射精但不是因抽插而射，我用手幫助他射的
2026年1月14日有出血但唔知係咪月經，開始為鮮紅色的血液且量較平時少，為期約3至4天轉為極少量淡啡色血直到2026年1月23日
2026年1月20日換第2張貼
2026年1月21日，沒有戴安全套插入且沒有射精
2026年1月22和23日服用fluconazole 150mg
由換第2張貼開始就有噁心反應，23號反應更甚且出現極度頭暈（就算瞓係度郁一郁都暈），25號先冇頭暈但仲係想嘔
2026年1月27日換第3張貼，但2月1日就撕走咗，因為噁心反應冇減輕太辛苦
直到今日我仲係不停不時就頭暈想嘔。。。
Hello你好啊～想問吓你12月嗰個月經周期有冇做任何避孕措施呢～即使性行為期間冇射精，陰莖分泌物如尿道脙腺液都有機會帶有少量精子。另外你期間有冇進行過驗孕啊，抹片檢查同懷孕並冇直接關係㗎，而且使用避孕貼都應該喺月經周期第一日開始使用，都建議你可以先進行驗孕，再了解返究竟係咪避孕貼副作用太大。
12月果陣我冇用荷爾蒙避孕，就算有戴套都除咗……
期間冇驗過 因為1月中有出血我覺得似月經就冇驗
但係噁心反應太西利所以先想問下會唔會有機會有bb
Hello, 根據你描述嘅情況，雖然整體懷孕機會偏低，但明白你仍然有啲擔心同唔安心。建議你可以用驗孕棒檢查一下，如果結果係陰性，就可以放心啲啦。
另外，記得同家庭醫生講返避孕貼令你身體好唔舒服，睇吓需唔需要轉其他避孕方法。如果再有性行為，除咗用避孕措施之外，最好全程配合使用安全套，咁就更加穩陣。
1個讚