本身初經起經期一直亂，成日流血，check 過幾次腹部照聲波冇異常，抽過血都冇異常，冇性行為過，最近12月黎咗20幾日，停咗4日又有血10幾日都未停，醫生開咗Yaz3個月，我食咗頭3日已經冇血，但有想嘔既感覺，有咩方法可以減少呢個感覺？係咪食咗3個月停藥後，月經會變返正常，唔會有非經間出血？
Hello～初黎月經嘅時候，荷爾蒙比較唔穩定導致月經不穩好正常，你有搵醫生求助已經係踏出好好嘅第一步
如果醫生有開到藥，最緊要係跟返醫生嘅指示去完成整個療程，而你食咗醫生開嘅避孕藥之後，經期嘅情況已經慢慢穩定同得到改善，噁心都係避孕藥其中一個常見嘅副作用，你可以同醫生反映返你嘅身體狀況，同時商量睇吓需唔需要開止嘔藥。喺日常方面，亦可以維持返充足嘅睡眠同注意減壓，規律嘅飲食同適量嘅運動都可以幫助穩定經期。另外你嘅經期相對都比較長，飲食方面可以補充返多啲含鐵質嘅食物，譬如菠菜、牛肉等等。