你好，我最近去左 德立做test，抽血，驗尿 & 龜頭炎 2個test，出左報告：
Anti-HSV1 IgG 皰疹一型病毒抗體 Positive* 31.86 COI
A. vaginae DNA 陰道阿托波氏菌DNA Positive*
兩者可以斷尾嗎？
您好，根據你既報告結果係感染左皰疹一型病毒同陰道阿托波氏菌，只要好好按醫生的指示治療，是可以康復的。
首先，皰疹一型病毒主要係由「唇皰疹」，即唇瘡引起，有可能係自身生唇瘡時經由手接觸到病毒再帶到性器具，亦可能係透過口交而感染，當對方在生唇瘡時替別人口交就有機會傳播，而引起陰部皰疹。
但由於皰疹一型係一種病毒，病毒好難從體內完全根除，一旦受感染，病毒會潛伏係身體神經節內。但又唔使太過度恐慌，皰疹一型感染係非常普遍，而病毒大部分時間處於休眠狀態，只要健康生活、提升免疫力，係可以減少復發。當發作時，可以透過抗病毒藥物或藥膏縮短病程、減輕症狀、降低傳染力。係沒有症狀時傳染性較低，但發作時就要應避免同他人有直接的皮膚同黏膜接觸。
至於，陰道阿托波氏菌通常係同女性細菌性陰道炎相關，可能係透過性接觸感染，如果細菌係龜頭過度生長，有可能導致龜頭炎。但陰道阿托波氏菌係一種細菌，係可以利用藥物被清除，所以不用擔心。
1個讚