是咁的，前幾日約人去扑野幫人口，嗰時已經有飛滋，今日發現自己有喉嚨痛流鼻水呢啲symptoms，諗住應該只係感冒啫，但係我手賤去search關於aids symtoms，依家非常之驚，希望有人解答我令我唔好自己嚇自己
Hello 呢個情況都未必一定係性病。
大部分性病都唔係一發生完性行為之後就會有徵狀，而且大部分性病都冇洗鼻水呢個徵狀，所以都比較大機會係其他情況，例如感冒。
當然，發生過不安全性行為，例如冇用任何安全措施口交，的確係會有感染性病風險。但係例如係你提到aids咁，佢嘅徵狀最快都要幾個星期先會出現，唔會咁快就有出現。
當然，如果都係擔心嘅話，都可以去做返適當嘅性病檢查，例如可以去衛生署社會衛生科，可以免費做性病檢查。不過性病都會有空窗期，可能都要等返一個月至三個月左右去做，先會可以驗到準確結果。
最後祝你身體健康，好好保重，希望幫到你。