我同另一半係喺大學識嘅
畢業之後我哋都開始返工
而另一半係需要返shift
凌晨嗰陣要搭N車，個巴士站都有啲遠，班次又會疏啲，所以佢要預更加多時間行去等車
我哋已經幾個禮拜冇sex
不過呢個唔係重點
而係我見住佢真係俾份工搞到冇晒時間
如果係返凌晨收下晝，佢基本上係九點之前就要瞓，如果唔係就會連六個鐘頭瞓唔到
所以佢係食埋嘢先返嚟，沖完涼就瞓
如果返到嚟先再食嘢，就會令食嘢時間同瞓覺時間太接近
如果係返下晝/夜晚 收第二朝，其實都係返嚟就瞓
除咗時間問題，身體都出現咗問題，佢諗緊係咪應該要去睇醫生
以前佢係會硬醒，而家係直頭冇
佢擔心自己係咪有勃起障礙，因為有時就算喺連我撩佢都係唔能夠100%充血
再嚟就係失眠嘅問題
就算睡眠時間已經唔多，再加有時返十幾個鐘頭，但難入睡嘅問題都並冇消失
變咗有時返工一定要搭的士
其實真係惡性循環
瞓得少加工時長，令個人更加攰
瞓唔着，令睡眠時間更加短
瞓一陣就起身，又要趕住返工
造成壓力，銀包有壓力，身體有壓力，心理有壓力
係咪應該快啲轉工