其實係咪屬於一個需要接受治療嘅情況？
如果佢勃起嘅速度好快，應該都叫做敏感度正常？
即係我一放入口，佢幾秒就已經硬晒
甚至有時佢知道我準備用口，佢都已經即刻有反應
如果唔係咁直接一嚟就除褲口交當前戲，而係真係慢慢循序漸進，攬下錫下，一件件除，佢都唔會話要好耐先至硬到
所以我覺得佢應該唔會係唔夠敏感？
至於實際上係咩問題
可以分唔同情景
1 口交
我已經好努力，但差唔多半個鐘佢都冇射，不過本身用口係比較難，去下一個
2 乳交
可能只係視覺刺激比較大，唔容易直接令對方射精
3 手交
呢個應該直接好多
但我試過好多方法都唔得
集中刺激龜頭/冠狀溝
加快手嘅速度
改變角度
兩手並用
4 陰道，無論我點樣嘗試，我都係唔可以搖到佢射
我有問過佢，係咪之前用開飛機杯，佢話冇
有一次我哋互相喺對方面前自慰
我見佢又唔係話用啲好高強度嘅刺激手法
所以真係唔知係咩問題
我哋係咪應該去見下醫生
又有冇可能會係心理問題？
麻煩晒
想問多少少，你男朋友幾多歲？有冇割包皮？射精的份量多唔多？有冇自慰的習慣？若他自慰，會用多少時間才射精？
龜頭的敏感度和勃起狀態沒有必然關係，能勃得起唔代表就係龜頭過敏。我有朋友五十多歲，刺激十數分鐘便能勃起，佢每次做愛或自慰都要一小時才射精，佢有恆常做gym和自慰的習慣。所以，射精時間因人而異。
其實佢咁持久，你和他做愛，應該能享受一段很長時間，應開心才是吧。
另外，做愛也不一定要射精，只要雙方都能滿足便可以了。
佢廿二歲
冇割包皮
射精的份量視乎每次射精相隔的時間
有自慰的習慣，但不頻繁
若他自慰，會用三十分鐘才射精
其實時間都唔係越長就代表越開心
我也知道做愛也不一定要射精，只要雙方都能滿足便可以了。
正如不一定要勉強追求自己令對方高潮
只是怕出現Blue Balls的情況令他感到不舒服
Hello
聽你嘅形容，如果我冇理解錯的話，你會擔心你嘅另一半有延遲性射精嘅狀況，當發生插入式性行為超過30分鐘，而冇辦法發生射精行為，而呢個狀況造成生理同心理影響，可以搵泌尿科醫生諮詢一下。同時有了解到你有同另一半發生唔同嘅性行為去幫助另一半射精（例如口交、乳交等），但係以上都未能夠作為延遲性射精嘅衡量準則。
唔同人嘅射精時間都可能會唔同，都可能受唔同因素影響，例如年紀、身體質素等等，呢啲都因人而異，都可能受佢過往自慰習慣影響，例如過往自慰時間或者強度或者方法都可能影響咗真實性行為射精嘅體驗同時間。如果真係覺得困擾嘅話，你哋都可以考慮吓互相增加前戲嘅部份，或者性行為時嘅氣氛等等。
當然有一啲講法會認為「越持久越『開心』」，但性行為嘅滿足程度，應該由發生性行為嘅當事人第一身出發，而每個人嘅感受都會有唔同的，喺呢個層面上，了解返自己嘅需要再同另一半溝通會比較合適🫶🏻