有尖銳濕尤痊癒兩年後都無復發過，傳染力仲強唔強？如果戴套做傳比伴侶機會大唔大？
想同伴侶生小朋友，佢打左hpv疫苗
可唔可以自然性交懷孕，定做人工安全啲？
多謝解答！新年快樂
咦，突然喺度諗，如果疾病係透過精液傳播，咁其實無論係唔係人工受孕都冇分別？
Hello 你好啊～尖銳濕疣一般嘅復發期係3-6個月，而第一年復發嘅機會率相當大，你兩年後已經冇復發過代表你嘅病毒量相當低，如果正確地使用安全套係可以阻隔病毒嘅傳播。
如果你哋想透過自然懷孕嘅方式去生育，而伴侶已經接種咗HPV疫苗，風險都較為低。一般嘅HPV疫苗已經包含咗會引起尖銳濕疣嘅HPV6同HPV11，雖然唔係100%保障，但已經有好高嘅保護力。人工受孕嘅方式就可以完全避免咗性接觸，唔會擔心傳染到伴侶，但始終係一個入侵性嘅手術，而且過程亦有唔同嘅風險，例如抽卵、荷爾蒙用藥反應。可以了解多啲兩樣方法嘅利弊，並參考吓醫生嘅意見。