請問我的手隔著性工作者的內褲觸摸了她的陰部，之後1分鐘左右便用洗手液清洗雙手。這樣的情況下會不會令我的手感染生殖器皰疹？
你好，根據你的描述，呢種情況下感染生殖器皰疹的風險係極低，所以不必過度焦慮。
首先，你的手係隔著內褲觸摸。內褲作為一層衣物，係一個物理屏障去阻擋病毒和細菌直接傳播。病毒需要通過直接皮膚對皮膚，或皮膚對黏膜接觸才會有效傳播。而你的手沒有明顯皮膚破損，皰疹病毒是通過微小傷口或裂縫進入人體。如果雙手沒有明顯傷口、倒刺或正在流血既地方，病毒很難穿透完整皮膚屏障。而且接觸時間短且又立即洗手，洗手液係能夠有效破壞病毒結構，都大大降低病毒在雙手上存活時間同機會。
所以你感染生殖器皰疹機率微乎其微，但無謂既焦慮反而可能影響免疫系統。如果真係仲有擔心，接下來12天內（皰疹潛伏期），可以觀察手部接觸部位（通常是手指或手掌）有無出現水泡、紅腫、潰瘍等情況。如果沒有出現，那就更可以放心。如果手部確實出現不明水泡或潰瘍，就要去睇醫生作檢查。而今次經歷可以作為一個提醒，日後應避免任何無保護既高風險性接觸，確保自身健康。
請問對於其他性病嘅風險係咪一樣？
引用返同事嘅講法，病毒需要通過直接皮膚對皮膚，或皮膚對黏膜接觸才會有效傳播，其他性病同樣需要體液或血液直接接觸先會有機會傳播，所以你所描述嘅情況之下感染性病嘅機會都相當低。
另外，性病只會喺其中一方確認有病毒感染的情況下，再發生性接觸先會傳染，所以性工作者都唔等於有性病，其實呢個想法係源於社會文化中對性工作者嘅歧視同污名化，將佢地同「污糟」、「性病」連上關係。而事實上，好多性工作者為咗生計同埋自己嘅安全同埋健康，係會恆常去做檢查，亦會要求使用安全套去保障安全。喺追求性健康同安全方面，好多時比起一般人更加嚴謹，所以同性工作者發生過性行為並唔等於會感染性病的～