我哋2月16有性
唔好意思
想問下2月27號已經黎左M
但係今個月16號又有點狀血深深地色
有冇可能係有咗？
求解答
Hello 如果你喺性行為之後11日已經嚟咗月經，咁喺月經前發生嘅性行為都冇導致懷孕，所以唔使擔心係懷孕先。
至於最近嘅深色點狀出血，有機會係排卵期出血，一般嚟講都只係輕微，有機會持續一至三日左右。你可以繼續留意住自己身體先，如果身體覺得唔舒服，或者情況持續，甚至變得更加嚴重，就可能要睇醫生了解吓發生咩事。
希望幫到你。
但係已經由16號持續到20號
咁樣係唔係正常？
Hello 今日仲有冇出血？或者身體有冇伴隨住其他唔舒服嘅情況？
今日仲有少少
唔知點解
就冇唔舒服
係唔係正常架？
而且仲好濕
有冇可能著床出血？
Hello，正如同事嘅講法，如果點狀出血持續一至三日都係屬於正常現象，但係出血情況持續，伴隨着一啲不適，譬如腹痛、頭暈等等嘅狀況，會建議睇醫生了解返身體狀況；關於懷孕嘅憂慮，始終出血並非斷定懷孕嘅唯一症狀，會建議直接驗孕會比較了解到實際情況，受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確～
今日都仲有血
係咪要去睇醫生？
Hello～如果由16號開始到今日都有出血，雖然血量都比較少又冇停止出血嘅現象，但只要你冇唔舒服嘅，都唔需要太擔心。如果真係好擔心，都建議你可以睇醫生。