啱啱嚟完m兩日，同男朋友做完愛射完之後發現個套唔係喺根部，而喺中間，我有啲擔心會中招，另外做完一次之後中間冇去廁所，緊接着第二次會有問題嗎？
Hello~依你嘅描述，有機會係安全套過鬆，或者配戴嘅時候未拉到最底，導致安全套有鬆脫嘅狀況，雖然你完咗月經冇耐，但安全期都唔足以作為一個避孕嘅指標或者準則，如果擔心安全措施失效，建議可以用緊急避孕嘅方法，例如係去家計會或診所獲得事後避孕藥或者帶子宮環，視乎你所服食嘅避孕藥種類，最多可以喺120小時內阻止受精；如果真係有需要驗孕嘅話，受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確