手指彈完結他之後生咗d死皮出嚟，無撕過同搞過佢，算唔算係傷口？會唔會俾hpv/皰疹病毒 呢d病毒入侵？
你好呀，唔好意思遲咗啲覆你
就咁睇你呢個情況應該唔使太擔心會有感染性病嘅風險～
一般嚟講，要透過傷口感染係多數都需要透過新鮮嘅傷口，啱啱受傷而且流緊血嘅傷口。而如果只係因為彈結他，而令手指起枕（繭）並唔算係一種開放性傷口；所以一般嚟講，病毒並唔會透過呢一種傷口而傳播同感染，唔需要太過擔心～
其實平時可能冬天隻手甩死皮嗰d係咪都唔算係d會俾病毒感染嘅傷口？因為我係彈完結他之後兩日手指就甩咗少少死皮（同平時冬天or乾燥甩死皮嘅情況一模一樣)
Hello~如果只係甩死皮，你又無特別去搣佢，咁就唔會有傷口，細菌/病毒都無入口進入身體
所以唔需要擔心
請問如果平時d死皮我輕輕力咁揻甩佢或者用指甲鉗剪咗佢而又唔痛又無流血，係咪都唔會造成傷口俾病毒入侵？
如果唔係新鮮嘅傷口都唔算係，所以如果你都無見到有明顯傷口同流血等，基本上都唔洗傷心～