我今個月5號到19號一直都係流啡色分泌物，其中13號至17號流得似啡色嘅M血，過咗幾日，今日25號又再流啡色分泌物。唔痛&冇異味&冇大肚check過
睇過政府普通科，做埋抺片測試同好似有其他測試，醫生話冇事、又冇性病嗰啲，話淨係見到裏面有啲啡色分泌物。佢轉介咗我去醫院睇專科，但係要等一年幾
想問吓去邊度可以睇醫生幫到我？家計會得唔得？我仲係學生所以資金有限
唔好意思呀，遲咗覆你
首先想了解吓你本身呢排有冇食事前避孕藥？或者一啲生活習慣改變？
因為，一般嚟講長期流啡都係因為荷爾蒙水平變化造成；例如係近期開始服用荷爾蒙藥（如：事前避孕藥等）、生活壓力大，亦或者因為婦科疾病，而令荷爾蒙水平變化，繼而導致流啡。所以如果呢個情況都係啱啱開始，你可以先觀察段時間，如果之後冇再發生嘅話，都可以先唔使咁擔心到排期之後先至再睇專科。
但如果你發現流啡嘅情況係持續出現，又想搵醫生睇多次嘅話，除咗再睇公立醫院、或者私家醫院之外，你都可以考慮使用家教會嘅青少年保健服務。特別我見你有提及自己仲係學生而有經濟壓力，可以先到家教會進行檢查，而視乎情況，再由醫生安排進一步嘅安排～
如果有需要你都可以先打去向佢哋查詢，詳細資料如下：
https://www.famplan.org.hk/zh/our-services/clinic-services/youth-health-care/content
冇呀 冇食事前/事後避孕藥
如果因為經濟狀況有困難未必睇到專科嘅話，可以跟同事嘅講法，預約家計會做詳細小小嘅檢查。無論你最後決定睇家計會抑或公立醫院嘅專科，喺呢段等候嘅時間，可以記錄返分泌物嘅狀況，譬如顏色、流量、出現嘅日期等等，有需要嘅話可以影相俾醫生作為參考，會幫到醫生做出更加全面同準確嘅判斷。