4月1號有安全性行為
當時我都係坐上去 直至佢射完 我出嚟嘅時候個套仲完整喺佢陰莖上 以及喺佢仲勃起嘅狀態出嚟
之後佢開始軟返 先掹個套出嚟 然後啲精漏咗喺佢啲陰毛同睾丸上
之後有check個套 冇穿到
我就比較焦慮 有冇喺射嘅過程漏咗落我度 驚佢射嘅時候漏咗去根部位置 因為佢啲精今次比較水狀 而我出嚟嘅時候 個套好似移上咗少少 好驚接觸到
之後我有用手指放一放入陰道入面 去聞 冇精液嘅味道
但實在太焦慮 兩個鐘後我就即刻食咗事後 但我唔知道自己排咗卵未 基本排卵嘅症狀都沒有 都好驚自己排咗卵食咗會有宮外孕嘅情況 或者效率下降 因為五個月前食過一次 同埋呢幾年都有食過幾次
原定仲有四日就嚟M 不過本身都唔准都會有推遲 呢幾日都隱隱約約有下腹痛嘅感覺 係咪我即將排卵？或者就算我就嚟嚟M 理論上食咗避孕藥 更加唔會有事，對嗎？
求求解答
補充返 琴日順便用排卵試紙check 雖然我知都唔准 t區比c區淺少少
Uppp
明白你而家好焦慮，但首先你真係唔使太驚，你嘅情況懷孕風險係非常低，近乎零。原因係安全套喺成個性行為過程入面冇穿，你起身嗰陣個套仲完整咁喺佢陰莖上面。你所見到嘅精液漏喺佢陰毛同睾丸，好大機會係佢開始軟咗之後，你哋掹套出嚟嗰陣先流出嚟嘅，唔係喺射緊嘅時候漏入你陰道。
至於你擔心「個套移上咗少少」，怕根部接觸到精液。只要個套冇成個縮到去龜頭，而係仲包住陰莖主體，你陰道內壁接觸到嘅只會係套嘅外層，係唔會掂到精液。而且你事後用手指檢查過，聞唔到精液味，亦冇液體流出嘅感覺，呢啲都係正面嘅訊號。
你喺兩個鐘內就食咗事後藥，時間上好理想，藥效係好好嘅。你擔心自己可能排咗卵，甚至驚宮外孕。坦白講，事後藥就算喺排卵後食，仍然有機會干擾受精或著床，唔係完全冇用。而宮外孕嘅風險只會出現喺極少數食藥後仍然懷孕嘅個案，你而家連懷孕都未證實，根本唔需要為咗呢個問題而自己嚇親自己。
之於你話「原定四日後嚟M，但呢幾日有下腹痛」，如果你嘅週期一向唔準，呢個痛可能係經前子宮收縮、腸道問題，或者根本係你太焦慮引起嘅肌肉繃緊。正常嚟講，就嚟嚟M前四日，排卵期應該已經過咗好耐。就算你真係週期混亂、排卵延遲到呢幾日，你都已經食咗事後藥，佢會推遲排卵或者影響卵子質量，等於多一重保障。
你已經做齊所有正確嘅嘢，用套、檢查、食藥。而家最需要係放鬆，等月經嚟。食咗事後藥，月經可能會早幾日或遲幾日，唔好一遲就驚。如果遲咗超過一星期，先去買支驗孕棒自行驗孕，暫時真係唔需要擔心。
謝謝你回覆
另外想問 距離食事後已經一星期 一直都未撤退性出血 以往食咗五日就已經會出血
然後因為我大概上個月3月13號完m 喺25號再之前嘅期間都會無套一陣先帶 於是我喺4月7號用CB早測check 陰性原定6號嚟M 雖然平時都會推遲
然後我呢個禮拜嘅狀態係：可能食咗藥就有念珠菌 不過一直都未好返，腰痛，有時候會有種經痛嘅感覺（有時仲會單側痛），除咗豆腐渣分泌物之外仲會唔知點解好似有一股水流出嚟咁 成條底褲都濕晒，唔知係念珠菌嘅影響定係食咗藥嘅影響
但就係一直都唔肯嚟M 同埋撤退性出血
Halo
雖然你都有一啲過往經歷係服用事後藥嘅5日內就有徹退性出血，不過其實一般嚟講呢個反應都有機會遲過你「平常」經驗；而其實係服藥後一周都仲有機會出現，咁當然情況都因人而異嘅，所以唔洗太擔心住
另外，我見你有提到可能有念珠菌嘅問題仲會有腰痛同豆腐渣狀嘅分泌物。咁都真係可能係有額外嘅影響，所以我諗你可以先觀察多一兩日先，而如果你呢幾日都持續好唔舒服，可能到時再搵醫生睇一睇而到時你都可以順利問一問當時開事後藥嘅後續情況。