今日同男朋友進行過3次性行為，過程中有戴安全套。
第一二次戴套插入，第一次唔肯定男朋友係咪體外射精，第二次係體外射精。完事後我發覺安全套有啲細同緊，似乎未到陰莖底部。雖然冇爛同漏水，但我擔心精液會唔會從側邊漏出？
第三次戴套插入過一兩次，後來體外摩擦準備再插入時發現個套卷咗上陰莖頂部，但未甩曬。第二三次期間相隔大概5-10分鐘，男朋友亦用沖涼液沖洗過陰莖。第三次冇射精，但風險會唔會仍然好高？
事後用排卵試紙檢查過正係排卵期。
Hello，安全套本身可以戴住射精，如果突然拔出嘅話，有機會令安全套意外甩左／殘留於陰道內，令安全套裡面嘅分泌物流出，從而增加感染性病或者懷孕嘅風險～ 而正確使用安全套（冇過期，有將儲精囊嘅氣體壓出，冇掉轉正反etc）可以有99.8%防止懷孕，另外聽你嘅形容，安全套嘅尺寸應該唔太合適，令安全套喺性行為過程入面捲起，即使無射精，都有機會導致尿道球腺液（pre-cum）或精子流出，同樣會增加懷孕或染上性病嘅風險，如果想避免安全套滑落，建議選擇返適合尺寸嘅安全套，或者喺射精後，陰莖仍然充血嘅時間將安全套除出，避免精子喺安全套入面流出。
至於沖洗陰莖只會喺個人衛生方面有正面影響，對於兩者都無預防作用，而排卵期/安全期都並非斷定懷孕風險高低嘅準確指標，如果擔心安全措施失效，建議可以用緊急避孕嘅方法，例如係去家計會或診所獲得事後避孕藥或者帶子宮環，視乎你所服食嘅避孕藥種類，最多可以喺120小時內阻止受精；如果真係有需要驗孕嘅話，受精卵著床一般需要6-9日，所以係性行為後7日使用驗孕棒的話會有初步嘅結果，而係11日後或者預計經期嘅日子驗孕結果會更加準確