性交過程中 (全程帶安全套)，雙手除下安全套，手部接觸到安全套外的女性陰道液，然後觸摸陰莖及龜頭，自己進行了約3至5分鐘的自淫 (手交)，事後用水及沐浴液沖洗，想了解感染性病的可能性。
性交過程前，曾發生無套口交 (我為被動方) 
Hello 睇完你講嘅情況，的確係會有感染性病嘅風險，都會建議你喺一至三個月做返性病檢測。
當高風險嘅體液（包括精液、陰道分泌等等）同黏膜組織（包括龜頭、尿道口、陰道、口腔等等）有接觸，就有感染性病風險，當任何一方有性病嘅話，就可能會透過以上途徑傳染比其他人。
你提到曾經有陰道分泌接觸到陰莖同龜頭，亦都曾經發生過無套口交，呢啲都有機會係性病傳播嘅渠道。當然唔係話你一定已經感染到性病，因為要感染到性病嘅前提係對方本身都已經有性病。
但係如果唔確認對方有冇性病嘅話，都會建議最好係性病空窗期之後做返性病測試，大部份性病空窗期一般都係一至三個月左右，視乎唔同檢測方法而有所不同。有需要嘅話可以去政府嘅社會衛生科，或者去有提供性病測試服務嘅NGO。
你都可以留意住自己身體有冇任何唔舒服，例如異常分泌物、性器官感到痕癢或者痛楚、皮膚出現紅疹等部份病徵，如果有嘅話都建議盡快求醫。
希望幫到你