Halo,我係9/3性行為有意外而食咗事後藥，而上個月嘅月經周期係早咗幾日即係3月11就嚟咗，而呢個月應該4月7號就要嚟，但到而家都仲未嚟，想請問如果食咗藥之後嘅下一次月經周期係計3月11號定還是係計今次？因為我見人哋話下一次嘅周期時間會混亂，但亦有人話3月11號嗰次出血唔計係下一次月經周期，令我非常嘅迷惘，求解答。
Hello 明白你感覺好迷惘，我嘗試解答你嘅疑問
事後藥的確係會令之後幾次經期混亂，係常見嘅副作用之一。如果要計月經嘅話，可以用3月11號嗰次就當係一次月經，（正確名係叫撤退性出血，不過你當係月經咁就得）
不過因為事後藥係高劑量荷爾蒙藥物，食咗之後會影響身體，令呢一兩次經期未必可以完全準時，可能會早或者遲到，係好常見嘅情況嚟嘅，好多人都會咁發生，所以唔使太擔心。
呢段時間都可以留意住自己身體狀況，睇吓有冇其他嘅唔舒服，或者不規則陰道出血等等，如果有需要嘅話就去睇醫生諮詢返醫生建議啦。
希望有幫到你