唔係好分辨到自己對同性係出於欣賞角度 還是 性傾向的喜歡。如果我自己係bi，甘對同性的接受程度又去到幾多？
有無辦法可以幫我了解一下？
你好，呢個問題其實好多人都會經歷，完全正常，唔使擔心。你可以先問自己幾個問題，睇下係欣賞定性傾向嘅喜歡。如果係欣賞，你可能會覺得佢靚、有才華，望住會開心，但唔會聯想到親密接觸。例如：你見到一個好靚嘅同性，你會欣賞佢想認識對方，但唔會想同佢拖手、攬、錫等。
至於性傾向嘅喜歡，你會對對方有性吸引，如：幻想同佢有身體接觸，即係輕輕攬一下、想錫佢等。如果你對同性出現持續、帶有情感同身體渴望嘅感覺，而唔係單純覺得對方好靚」，呢種就偏向係性吸引。
如果係Bi，對同性嘅接受程度幾多，呢個係無一個標準答案，因為雙性戀係一個光譜，每個人嘅接受程度可以唔同 例如：情感上接受但身體上未準備好，可能會同同性拍拖、攬錫，但未準備好有性行為，呢個完全正常。或者，身體同情感都接受到，會同同性發展完整嘅親密關係。或者只接受特定情況，例如只對某個特定嘅同性有感覺，其他同性就無，等等。但唔需要逼自己一定要接受到邊個程度。性傾向係流動嘅，可以慢慢探索。
你可以試吓以下低壓力、安全嘅方法寫低你嘅感覺，每次見到某個令你心跳嘅同性，記低你想對佢做咩，係想同佢做朋友?想攬佢?定係有更進一步嘅幻想 ?
或者，試吓網上性取向測驗，但只係參考，例如Klein Sexual Orientation Grid https://c.chameiwang.com/with/1574可以幫你系統咁諗下自己對唔同性別喺吸引、幻想、行為上嘅分別。但測驗只係工具，唔係最大答 案。
另外俾啲時間自己，唔使急住要一個答案。好多人都係十幾廿歲甚至更遲先確認自己嘅性傾向，你可以保持開放。無論係直、係Bi、係鍾意同性，都係完整同值得被愛嘅。你願意去了解自己已經好勇敢， 加油！