我上網睇過包括台灣同香港嘅皮膚科專科醫生講唔同類型嘅hpv 病毒負責感染唔同嘅身體部位，而且唔同類型嘅hpv 好難跨區感染其他部位。就好似感染生殖器嘅hpv 好難感染到隻手。但我想知道點解生殖器嘅hpv 可以感染到個口？即係我見新聞都有講d人口生椰菜花
HPV本身有分好多種（可以多達百幾種）其實日常生活中都隨處可接觸到
但
一般嚟講同性接觸相關嘅最主要就係打疫苗會見到嘅9種。所以正如你所睇到嘅資訊一樣，唔係種種HPV都會傳染到人類帶嚟影響，亦唔係種種都同性器官有關嘅。
而性接觸相關嘅HPV當中，有部分係可以口交傳染，而傳染到性器官同口腔嘅，例如係HPV6同HPV11。一般人嚟講嘅話，其實唔需要太認識到HPV種類因為都真係好多，而且好難用肉眼分辨。重要係知道，如果發生性行為，就算係口交都有機會傳染到HPV！