4月20日黎完m，近期壓力大，週期around 31-33日。黎緊4月30日打算同男友過夜，佢想到時有sex，會全程戴套(之前都係)，但我擔心4月30會接近排卵期，驚懷孕風險比較高。但最近已經拒絕過男友，唔想成日拒絕。
其實4月30日算唔算危險期呢？呢幾日仲有冇咩可以做去提高避孕效果？謝謝
Hello你好啊～危險期其實並唔係一個合適嘅方法去判斷排卵日子㗎，月經週期會因為好多唔同嘅因素影響，而你都講到近期壓力比較大，有機會提前或延遲。
喺性行為期間戴安全套係一個高保障嘅方法，正確地使用而且全程戴上成功率高達97%，已經係一個好好嘅避孕措施。
其他方法例如食避孕藥，都需要大概一至兩個星期時間先會有效，所以呢幾日就應該冇其他方法。