心情忐忑不安，求解答。
我在發生安全性行為後（沒口交，只有帶套陰道交，應該無甩套和穿套）的第21日、49日及69日進行了以下測試：
HIVp24 combo、Anti-TP 梅毒螺旋體抗體、RPR test 梅毒血清測試及Anti-HSV2 IgG 皰疹二型病毒抗體測試，結果全部陰性。其中HSV-2的數值分別是0.125 COI（21日）、0.130 COI（49日）及0.125 （69日）COI 。而我又沒有出現疑似病徵，如水泡、紅疹等等，最多都係喉嚨痕。
私人檢測診所職員話：其實45日已經可以排除感染（特別是HIV和梅毒)，90日的講法只係超保守說法，又話英國BHIVA講HIV p24 combo 45日空窗期已經可以排除感染，又話梅毒快測都係45日空窗期已驗檢到，仲叫我放心。 我都唔知信唔信好，好擔心。
我想問：
其實我有多大機會現階段可排除HIV、梅毒及HSV-2的感染？還是真的等90日再驗？等既過程真係好煎熬。
另外，想問COI係乜？我69日以來所有報告的數字都徘徊在0.130至0.125，是否代表病毒量沒有增加過？
第一次去叫雞嗎？？？
叫多兩次就唔會咁驚嫁啦。。。。。
Halo 唔好意思，遲咗啲覆你，我就咁睇你呢個情況都唔使太擔心。
正如你做檢測嘅職員所講，一般而言梅毒同埋HIV嘅空窗期分別係45日同90日。所以梅毒而言其實已經唔需要咁擔心，因為你係69日之後做嘅檢測效果已經非常之準確。不過HIV方面，如果你好擔心嘅建議你喺性行為後90日，再做多一次測試，測試結果就會最為準確。因為你做嘅HIVp24 combo，雖然都可以喺性行為後大約兩個禮拜得到一個初步結果；不過，如果追求最準確結果，我哋一般建議所有性病測試都係性行為後90日先做，就會最為準確。
不過話雖如此，我見你喺性行為期間都有帶安全套，一般而言如果有正確使用安全套嘅話（冇穿、冇爛、佩戴程序正確），其實HIV感染嘅風險都已經好低，唔洗過分緊張。但當然世界冇100%嘅準確，特別我見你都比較擔心，所以我建議你喺嗰次擔心嘅性行為後90日，再做一次所有性病嘅測試，就一定萬無一失～
至於你提到嘅COI，我唔確認係咪我所理解嘅同一樣嘢，你可以再提供多少少佢嘅資訊，例如全名等。不過如果係我所理解嘅cut off index，基本上 數值低過1（即係你而家呢個情況）其實已經係陰性反應。所以就咁睇嘅話，我相信正如幫你做測試嘅人員所講，其實你都唔需要太過緊張同擔心
同埋你有進行安全性行為，其實已經好好