我今年36歲，我發現今年我做愛時都難射。
我以前算比較持久，可以十分鐘或以上，但今年做好耐都唔會射。做愛開頭都享受，但之後就唔會射，無論硬咗定軟咗都係咁，最後只好用手打出來，就算打出來，都要起碼5至10分鐘先出。
平時打手槍一星期二至三次，就冇呢個問題。
平時雖然有跑步習慣，但近半年好似傷風流鼻水多咗，一轉天氣易發作。
我懷疑同身體健康有關，想睇醫生，但唔知睇咩醫生好？
你女友 or 老婆有無投訴？？
打樁機咁， 真係一個大問題。。。
你好，先謝謝你嘅問題，你嘅情況其實都好普遍。性交時好難射精，但自己打手槍就正常，呢個好大機會同你嘅自慰習慣、心理壓力，以及身體狀態有關。
因為自慰嘅刺激方式通常比陰道更集中、力度更大，如果你每星期自慰兩三次，身體會慢慢習慣咗手嘅感覺，搞到對正常性交嘅刺激變得不敏感，所以做好耐都未有高潮。而且越射唔到就會越緊張，形成惡性循環。
至於成日傷風，可能反映你免疫力下降或慢性疲勞，未必直接同射精遲緩有關，但身體不適就有可能影響到性表現同狀態。建議你先去睇泌尿科醫生，檢查前列腺、荷爾蒙水平同神經系統，排除身體問題。
如果泌尿科話一切正常，就可以考慮見性治療師，佢地可以處理呢類嘅情況。宜家，你可以先試下暫停自慰一至兩個星期，等身體重新對陰道刺激敏感啲，性行為時放鬆心情，唔好俾壓力自己一定要射，慢慢就會有改善。
同埋記住，性行為係一個過程，唔一定要以射精為終點，所以唔需要俾自己有壓力一定每次都射精，只要過程順利，有足夠硬度進入，其實都可以雙方享受到過程。女生其實都唔係每次性行為都可以達到高潮，所以先嘗試下先放低每次都要射精作結呢個概念。